|
PRESS RELEASE (TETUM)
REPÚBLICA DEMOCRÁTICA DE TIMOR-LESTE
MINISTÉRIO DO PLANO E DAS FINANÇAS
  DIRECÇÃO NACIONAL DE ESTATÍSTICA
Rua de Kakoli Dili, Timor-Leste
Data, 25 de Junhu de 2007
KOMUNIKADU BA IMPRENSA
PROSESAMENTU NO ANÁLIZE BA DADUS ESTATÍSTIKUS SEI EFISIENTE, LOLOS NO LALAIS LIU IHA FUTURU
Ministeriu do Plano e das Finanças liu husi Direcção Nacional Estatistíca (DNE), aumenta kapasidade funsionárius iha DNE no ministerius relevantes hirak seluk ba atu oinsá uza programa REDATAM ( Retrieval of Data for Small Areas by Microcomputers ), atu nune'e ajuda sira analiza, prosesa, arkiva rezultadu dadus estatístikus ne'ebé rekolla ho diak, lalais no efesiente liu tan iha futuru.
Direktur Direcção Nacional Estatistíca, Sr Manuel Mendonça hateten, " Atu dezenvole ita nia Nasaun, ita nia Governo, Agensias Internasionais, ONG ka komponentes hotu-hotu Sociedade Timor-Leste nian presiza halo referensia ka bazeia ba dadaus estatistikus hodi dezenvolve planu dezenvolvimentu ida ne'ebe korresponde duni ba povu nia hakarak no espektativas, tamba ne'e kapasitasaun ba funsionárius sira iha area ida ne'e importante tebe-tebe
Formasaun ne'ebé halao hosi Segunda-Feira to Kuarta-Feira semana ne'e, iha Conferencia room DNE iha Dili, funsionárius sira sei aprende kona-ba oinsa uza "sofware" modernu ne'e atu halao analize no prosesa dadaus estatistikus kona-ba, kresimentu populasional, sensus kona-ba produsaun agrikola, saude, edukasaun, infrastruturas, komersiu industria, nst
Programa REDATAM halo analize ba informasaun sensus ne'ebe tama iha "data base" atu nune'e fo rezultadu informasaun ne'ebe maka ita buka, por exemplu: Se karik hakarak infomasaun kona-ba edukasaun iha Timor-Leste programa ne'e ajuda selesiona informasaun husi data base edukasaun ninian no fo rezultadu ne'ebe maka presiza hanesan, alunus eskola primaria hira, sekundaria no informasaun selu-seluk.
Hola parte iha formasaun ne'e s taff husi DNE, funsionárius hosi Ministeriu Agricultura, Ministeriu Saúde, Ministeriu Financa, Ministerio Educasaun, Ministeriu Trabalho e Reiserção Comunitária
Programa ne'ebé hetan paoiu finanseira husi United Nations Population Fund Agency UNFPA,
Atu hetan informasaun bele kontaktu ho
Ricardo dos Santos telmovel, 7236890 ou
Paulina Viegas liu husi numeru telemovel, 7239006 ou 3339527
Media liasion, DNE, Ministério do Plano e Finanças
|
